فرا رسیدن ماه محرم- ایّام سوگواری حضرت ابا عبدالله الحسین(ع)
ویاران با وفایش را به همه دلدگان حضرتش تسلیت عرض می کنیم.
:::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::
کربلا نوحه سی
++++++++++++++++++++++++++++++++++++++++
حمید مصطفی زاده گورانسراب
+++++++++++++++++++++++++++++++++++++++
بیرنوحه ایستدیم سنه تقدیم ائدم حسین
گؤردوم قلم هارایه گلیب ، دفتر آغلادی
گلدی آنادان اُولما گونوندن أزلده سُؤز
بیر آه چکدی فاطمه، پیغمبر آغلادی
یازدیم کوچه ،مدینه ، قباله ، فدک ، حسن
قان اؤلدی فضّه نون أورگی ،حیدر آغلادی
یازدیم بقیع ،گئجه یاری، تابوت، مرتضی
أسدی ألیم ، دوتولدی دیلیم ، گؤزلر آغلادی
یازدیم عراق ،کوفه، اوروجلوق، أذان،سحر
مسجدسئزیللادی،سؤرادان منبر آغلادی
یازدیم گئنه بقیع ، جنازه ، غریب ،أوخ
زینب سؤلوب، أورکده قالان سؤزلر آغلادی
گؤردوم کی هرنه یازدی قلم آغلادی بیری
قؤیدوم کناره دای قلمی، جوهر آغلادی
سسلندی وجدانیم دئدی اوغلان یؤرولمیسان؟
یاز،قؤی باشاآییخدی غافل دیللر آغلادی
یاز،قؤیگینان حسینون آدی دولسون عالمه
مظلوم آدین ائشیدّی باشا کافرآغلادی
یاز،کربلاده عشقیله ایثار حماسه سین
بلکه بیری ائشیدجک ائدیب باور آغلادی
آچدیم گئنه ده دفتریمی تا یازام گئنه
ألده دوتارکا من قلمی ، أللر آغلادی
باخدیم گؤرم نیا بئله نیسگیلّیدور آدون؟
باشیم قارالدی ، اؤلدی گؤزوم مضطر آغلادی
گؤردوم قان ائله بیل یئره گؤیدن یاغیر بوتون
قانیله دفتریم بؤیانیب،خط لر آغلادی
بیلدیم گرَک یازام ائدم أشگار حقیقتی
باغلارکا لاپ قَییم بئلیمی، دیزلر آغلادی
یازدیم «ک»کئچممیشدیم هله من بوکلمه دن
کول ائوسده کوللی باشه بوتون کوللر آغلادی
یازدیم «ر» یازجاغین ربابین سؤلدی رهروخی
سانکی اؤلوبدی غنچاگولی پرپرآغلادی
یازدیم «ب» باخدی باجی سئنا بیرباشی یارا
بؤ حالی گؤرجگین بوکولن بئللر آغلادی
یازدیم «ل» لیلی لاله داغین سالدی یادینا
لیلاپوزولدی ، مجنون اؤلوب اکبرآغلادی
یازدیم «آ» آغلادی آناسی، اصغرحالینا
أل باشه آتجاغین سوت أمَر اصغرآغلادی
یازدیم: «ک ،ر،ب ،ل ، ا » اؤلدی کربلا
سو قانه چؤندی،یئرله بوتون گؤیلرآغلادی
یازدیم جنازه،آت،تئزه نال،اؤن باش آت چاپان
گؤردوم آیاقلارآلتدا قالان پیکر آغلادی
خنجر، حسین باشینا دالدان چکنده شمر
ظالم ألینده باشی کَسَن خنجر آغلادی
گؤرجک بی قانلی کؤینگی زهرا ألینده،چون
قَیهاچکیب،قیامتیلن محشر آغلادی
داغ،داش، دره، تپه، دریا، سیزیللاشیر
عرشی ائدیب عزاخانا،حوری لرآغلادی
نیزه باشیندا گلدی کسیک باش نوایه چون
گؤوردوم کی نیزه باشین أییب ، نی لر آغلادی
وئردون حمید أورکلره أوت، بؤشلا،دای قوتار
کؤئشن یانیب، چمنده سؤلان گوللرآغلادی