**********************************************
************************************************
شیلش داغیم ساق لیق اولسون سنه
فرصت اولدی گنه گلدیم وطنه
سنی گوردوم اورک غمیم آزالدی
غم یئرینه شادلیق سایه سالدی
ازل یولوم دوشدی آق بولاغدان
سنی زیارت ایله دیم اوزاغدان
یواش یواش من سالان دیم وطنه
سلام وردیم اوردا اولوب اته نه
اهل قبورلان بیر دیوب دانشدوق
فاتحه وروب سونرا اوردان سووشدوق
یاده سالدوق او یئرده یاتانلاری
اولدوز کمی صبح تزدن باتانلاری
بیتوته ایله دوک بیز گول باشیندا
وسایل لار جمع اولموشدی ماشیندا
چادر آچوب اوردا اوبانی قوردوق
دورت طرفدن میخ لاری یره وردوق
آشپز باشی شام بساطنی قوردی
محمد ات لری سیخ لارا وردی
اوت قالاندی کباب لاری پیشردوک
دوستلارین یری بوش شامی آشردوک
صفاسی وار کئجه کدده قالماقون
اولدوزلاری بیر بیر سایوب یاتماقون
سحر تزدن دوروب ایشی باشلادوق
اوچ نفری گرده کانی داشلادوق
گرده کانی چالدوق بیر شئی یوخیدی
بیزدن سونرا مشتریسی چوخیدی
ایللر ده دی گرده کانی چالوبلار
بیر شیئی قالمیوب جانین آلوبلار
یولا دوشدوک گدوک مسجده ساری
زیارت ایلیوب سیلدوک غباری
نذری وسایلی اولدی آماده
ماشیندان آپاردوق اورا پیاده
ایللر هامی گلدی بیزه کمکه
بیر عده ده گلمشدیلر یه مکه
ریشته آشی پیشدی اولوبدی حاضر
بنده ده اولموشام ایشله ره ناطر
حیف اولا که سوزون یروز بوشیدی
آشدان سونرا هامی اورکلر خوشیدی
چای ایچدوک وسایل لار یوولدی
هر بیر شیئی ده اوز یرینه قویولدی
ائل ایشینه الله روسین برکت
حلال لاشدوق ماشین ائتدی حرکت
عسگرنین قبول اولسون احسانی
گزیب کندی دولاندوق بیز هریانی
…………………………………………………………
یاشاسین اسمرود ،ساق اولسون ائللر
بتاریخ ۱۳۹۹/۶/۲۵
*****************************************
***************************************